Laudiok kultur ekitaldi asko eskeintzen ditu urte osoan zehar: antzerkia, kontzertuak, literatura, erakusketak, hitzaldiak, eta abar luze bat topa daitezke herriko kaleetan eta horretarako bereziki prestatuta dauden lekuetan. Ekimen gehienak Euskal Gastronomi Museoan eta Udal Kultur Etxeetan burutzen dira. Bertan, Udalak berak antolaturiko emanaldiak daude ikusgai; baina baita herriko kultur elkarteek antolaturikoak ere zerbitzu hauen ateak zabalik baitaude kultur taldeek euren proposamenak aurrera eraman ditzaten.

Euskara

Laudio herri guztiz euskalduna zen ia XX. mendearen hasiera arte, baina azken mende honetan, apurka-apurka, gaztelera nagusitu egin zaio euskarari arrazoi ezberdinak direla medio. Hala ere, egoera aldatzen ari da. Egun, euskaltzaleon ahaleginari esker, erabat ezberdina dugu egoera, izan ere euskaldun eta ia euskaldunen kopurua eta erdalduena parekatu egin dira ia.

Jaiak

Laudion ospatzen diren jaiak urteko bost hilabetetan zehar diraute eta udalerrian dauden baselizak eta ermitekin lotura handia dute.

DOLUMIN BARIKUA: Astesantua hasi aurretiko lehenengo ostiralean ospatzen da. Garrantzi handikoa da egun hartan ospatzen den abere eta baserriko produktuen azoka.