Laudioko ibilbideak

SARRERA

Laudioko haran nagusia Nerbioi ibaiaren ardatzaren inguruan hedatzen da. Donibane eta Aldaikorreka errekek, perpendikularki mozten dute haran hau, eta bere bazterretan Landaluze eta Ugarte auzoak daude.
Ibilbide honetan, gure haranako erreka hautako batetik bestera joango gara, eta horretarako bien artean dagoen Luja mendiaren magal eta Arraño Haundia mendiak sortutako mendialde txikia gainditu beharko dugu.

(1)Abiapuntua Herriko Plazan izango dugu. Zumalakarregi etorbidetik, Urduñaranzko norabidea hartuta, Odeibarko gurutzean eskumalderantza joko dugu Landaluze auzoan sartzeko. Erdigunetik urruntzen garen heinean pisuetako etxeak gero eta bajuagoak izango dira, familia bateko etxeak edo baserriak bistaratu arte. Honezkero lehenengo baserrien aurrean arkituko gara, hauek (2) Barbara goiko eta behekoa izango dira, eta bien artean, errepidearen albo batean, karobi zahar baten hondakinak ikusiko ditugu. Gauden leku honetan, Donibane errekako urak eta Malkuartu errekakoak batzen dira. Errepidea ere, erreken izeneko auzoetara jotzeko bitan banatzen da hemen. Gu, eskumaldea hartuta, Malkuarturantza zuzenduko gara. Errepideak tarte batez zuzen joko duo Zuzengune honen erdian gaudelarik, errekaren beste aldea n Balintxa baserria izango dugu, eta (3) Okeluri baserriaren parean Malkuartura igotzeko bidearen birguneak hasiko dira. Auzo honetara heldu baino pizka bat lehenago (4) Olariaga baserrietara era mango gaituen eskumaldeko asfaltozko bidea hartuko dugu. Gure bidearen asfaltoa lur bihurtuko zaigu laburra baino gogor egingo zaigun aldapatxoan. Behin hau igota, bidegurutz baten aurrean aurkituko gara, gu eskumarantza joango gara (5) Luja baserrietara igotzeko. Hemendik aurrera, berriro asfaltozko errepidetik, herriranzko jaitsiera hasiko dugu. Arraño Haundia (6) eta bere gailurrean dagoen gurutzetik pasa eta gero, mendiaren izen bera daukan auzoa zeharkatuko dugu eta Erroke Deuna aldapetatik gure abiapunturaino jaitsiko gara.

Puntu interesgarriak